Madaxweynihii hore ee Mareykanka Joe Biden ayaa wareysi uu siiyay majaladda PEOPLE kaga hadlay xaaladdiisa caafimaad iyo sida uu ula tacaalayo cudurka kansarka qanjirka ‘prostate’ oo ku faafay lafihiisa.
Biden, oo 83 jir ah, ayaa sheegay inuu weli ku jiro daaweyn, isla markaana uu rajo ka qabo xaaladdiisa caafimaad. Wuxuu xusay in baaritaannadii ugu dambeeyay aysan muujin in cudurku sii faafay.
Wuxuu sidoo kale ka hadlay daawooyinka uu qaato iyo daaweynta shucaaca ee uu soo maray, isagoo sheegay inuu dadaal ugu jiro sidii uu ula noolaan lahaa cudurka.
Biden ayaa muujiyay rajo iyo niyad wanaagsan, isagoo tilmaamay in dad badan oo qaba noocan kansarka ah ay sannado badan noolaan karaan.
Xaaskiisa Jill Biden ayaa iyaduna door weyn ka qaadatay taageerada iyo daryeelka ninkeeda muddada uu xanuunka la tacaalayo.
Joe Biden ayaa bishii May 2025 shaaciyay in laga helay kansarka qanjirka ‘prostate’, kaas oo gaaray lafaha.
Wareysigan ayaa muujinaya dhinaca nololeed ee madaxweynihii hore, kaas oo inkastoo uu wajahayo xanuun culus haddana muujinaya rajo iyo adkaysi.
Xigasho: Majaladda PEOPLE.
Leave a Reply