Somadaily Wararka Soomaaliya iyo Dunida

Somadaily waa warbaahin Soomaaliyeed oo soo gudbisa wararka Soomaaliya, Jarmalka, Yurub iyo caalamka, iyo sidoo kale wararka bulshada, siyaasadda iyo ciyaaraha.

Siyaasada Wararka Wararka Wararka Somalida

Soomaaliya iyo Ciraaq oo ka wada hadlay xoojinta xiriirka diblomaasiyadeed iyo iskaashiga ganacsiga

Imaan Huseen Dinnle's avatar Imaan Huseen Dinnle 0

Baġdaad, 19 Oktoobar 2026 – Wasiirka Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, Mudane Cabdisalaan Cabdi Cali, ayaa kulan muhiim ah la yeeshay dhiggiisa dalka Ciraaq, Mudane Fu’aad Xuseen, intii uu socday kulanka 52-aad ee Golaha Wasiirrada Arrimaha Dibadda ee Ururka Iskaashiga Islaamka (OIC).

Kulanka ayaa diiradda lagu saaray xoojinta xiriirka labada dal, dardargelinta hawlaha Guddiga Wadajirka ah ee Soomaaliya iyo Ciraaq, iyo ballaarinta iskaashiga dhinacyada dhaqaalaha, ganacsiga iyo beeraha.

Sidoo kale, Dowladda Soomaaliya ayaa muujisay danaynteeda ku aaddan bilaabidda dhoofinta xoolaha nool ee dalka loo iibgeeyo Ciraaq, taas oo la filayo inay gacan ka geysato kobcinta ganacsiga iyo xoojinta xiriirka dhaqaale ee labada dal.

Dowladda Soomaaliya ayaa uga mahadcelisay Dowladda Ciraaq soo dhoweynta diirran iyo martigelinta guuleysatay ee shirka Golaha Wasiirrada Arrimaha Dibadda ee OIC, iyadoo mar kale xaqiijisay sida ay uga go’an tahay horumarinta xiriirka diblomaasiyadeed iyo xoojinta iskaashiga labada dal ee dhinacyada kala duwan.

Imaan Huseen Dinnle's avatar
Imaan Huseen Dinnle

Website: http://somadaily.com

maan Huseen Dinnle waa qoraa iyo wariye Soomaaliyeed oo ku dhashay magaalada Muqdisho sannadkii 1993. Wuxuu waayo-aragnimo ka soo helay warbaahino kala duwan oo Soomaaliya ah ka hor inta uusan u guurin dalka Jarmalka. Maanta, Imaan wuxuu ku nool yahay magaalada Munich, halkaas oo uu ka shaqeeyo saxaafadda iyo qoraalka. Wuxuu qoraallo u diyaariyaa wargeyska caanka ah ee Süddeutsche Zeitung, gaar ahaan qaybta “Typisch Deutsch”, oo diiradda saarta dhaqanka, bulshada iyo isdhexgalka. Imaan sidoo kale waa qoraa ka tirsan Somadaily, halkaas oo uu ka diyaariyo warbixinno iyo qoraallo ku saabsan Jarmalka, Soomaaliya, Yurub, socdaalka iyo arrimaha bulshada.

Related Story

Leave a Reply